ئاگەهداریا هەمی خوازیارێن خولێن زمانی دکەین، کۆ ڕۆژا ئێکشەمبی ڕێککەفتی (٢٠٢٣/٧/٣٠) ناڤ تومارکرن بۆ ئەزموونا دیاریکرنا ئاستێ زمانی (Placement Test) دێ دەستپێکەت، ب ئەڤی شێوەیێ ل خوارێ هاتیە دیارکرن:

١. ناڤ تومارکرن دێ ب ئۆنڵاین بیت ب ڕێکا ئەڤی وێبسایتی:
https://lc.digital.gov.krd/#/login

٢. پێدڤیە ب تنێ ئێک جار و ئێک ئیمێلێ ڤەکری (Active) ناڤێ خۆ تومار بکەی، ئەگەر تە مافێ پشکداریێ نابیت.

٣. پێشکێشکرن دێ ب ڕێکا کومپیوتەری بیت، نەکو موبایلێ.

٤. هژمارا کورسیان دێ لدویڤ شیانێن هەر سەنتەرەکی بیت و سەنتەر نەشێت ژ وێ ژمارەیا بۆ هاتیە دیاریکرن زێدەتر وەربگریت.

٥. ئەو پشکدارێن کۆ ئەزموونا (Placement Test) د هەیڤا (١١)ـیا  ساڵا (٢٠٢٢)ـێ ئەنجامداین ماف نینە پشکدارببن د ئەڤێ ئەزموونێدا.

٦. پێدڤیە داخازکار هەمی پێزانینان ب ڕاست و دورستی پڕبکەت و پاشان دێ ژلایێ سەنتەرێ زمانی هێنە پەسەند کرن. ئەو ئیمێلێ پەسەندکرنێ کۆ ژلایێ سەنتەرێ زمانی دهێتە هنارتن، پێدڤیە بهێتە چاپکرن ژلایێ داخازکاری و دگەل خۆ بینیت داکو بشێت پسۆلا (وصل) دارایی (٢٥٠٠٠ دینار) ببریت.

٧. دەمێ سەردانیکرنا سەنتەری دەمژمێر (٤:٠٠ - ٦:٣٠) ئێڤارییە.

تێبینی:
پێدڤیە ئەڤ تێبینییێن ل خوارێ دیارکری، بەرچاڤ بهێنە وەرگرتن:

أ‌. ئەو بەرێزێن کۆ هژمار بۆ خۆ دروستکرین، بەلێ پێزانین پێشکێش نەکرین، هژمارێن وان دێ هێنە ژێبرن و ئەوان ماف نابیت پشکداری ئەزموونێ ببن.

ب‌. پێدڤیە ناڤ ب کوردی و ئینگلیزی  ب ئێک شێوە بهێتە نڤیسین هەر وەکی لسەر پاسپۆرتی هاتیە نڤیسین. هەر وەسا زانیاریین باوەرنامێ و بەلگەنامێن دیتر.

ت‌. ئەو بەلگەنامێن دهێنە هەڤپێچ کرن (وەکی پاسپۆرت و باوەرنامە و پەسەندا جهێ کاری "بۆ فەرمانبەرێن وەزارەتا خواندنا بلند" پێدڤیە پێشکێشکار بەرێخۆدانەکا باش بکەت ل ئەڤان بەلگەنامەیان "Preview"  بەری فرێکرنی چونکی هندەک فایل باش دیارناکەن یان نەڤەبن). پێدڤیە هەردوو لایێن باوەرنامێ بهێنە هەڤپێچکرن و ب شێوەی (PDF) بن.

ث‌. ئەو کەسێن خواندنا خۆ ل دەرڤەی وەڵاتی تەمامکری، پێدڤیە فەرمانا وەزارییا یەکسان کرنێ هەڤپێچ بکەن و هەمی پێزانینان ب دورستی بهێنە داگرتن، ئەگەر نە دێ داخازیا وان هێتە هەلوەشاندن.

ج‌. د بڕگەیا ئاستێ پێدڤی، بۆ باوەرنامێن دکتۆرایێ د پشکێن زانستی و پزیشکی پێدڤیە ئاستێ (Intermediate) بهێتە دانان، بەلێ سەبارەت ماستەر و دکتۆرا ل بەشێن دی، پێتڤیە ئاستێ (Pre-intermediate) هەلبژێرن.

ح‌. بەرێ فرێکرنا داخوازیێ، پێشکێشکار دشێت دەستکاریا پێزانینان بکەت.

خ‌. بەری داخازیێ بهنێری، پێدڤیە هێمایا (√) ل وێ چارگوشێ دەینی بۆ پشتڕاستکرنا پێزانینان.

د‌. پشتی برینا پسۆلا (وصل) ل ئاڤاهیێ سەرۆکاتیا زانکۆیا زاخۆ (تابقێ دوویێ، هوبا دارایی، ژوورا ژمارە ٤٢) پێدڤیە وێنەکێ ئەوێ پسۆلێ هەڤپێچی هەژمارا خۆ یا ئۆنڵاین بکەتن و پسۆلا ڕەسەن (ٲصلي) ڕادەستی سەنتەرێ زمان بکەت.

ذ‌. بۆ بدەستکەفتنا پێزانینان لسەر چاوانیا پێشکێشکرنێ، داخازکار دشێت بەرێخودانەکێ ل ئەو پارچە ڤیدیویا کۆ ل مالپەرێ سەرەکی هاتیە دانان هەر وەکی د وێنەی هەڤپێچ دا هاتیە نیشاندان.

بۆ زانین: هەرکەسێ پاسپورد (Passport) نەبیت مافێ پێشکێشکرنێ نینه.

لینکێ ڤیدیویێ ل سەر چەوانیا پێشکێشکرنا داخازیێ:

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid031EqsZwBciVc5phv6eWCk42XjhjtXzgFsq5WVGadpFiuMGjJ4nLKJNvu34n5yzWTZl%26id%3D100076104706230&show_text=true&width=500" width="500" height="450" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

ڕێڤەبەریا سەنتەرێ زمان– زانکۆیا زاخۆ